Redesign av gamle dongeribukser

Då har eg hatt lang pause frå symaskinene mine, men her ein dag i romjula måtte eg berre sy litt igjen:))

Eg fann fram nokre avlagte dongeribukser og dongeriskjorter og starta å klippa ut heilt vilkårlege lappar, som eg sydde saman med raud tråd på overlockmaskina. Då eg hadde laga til to store samansydde bitar, fann eg fram skjørtemønsteret mitt i størrelsen min, og klipte til to like deler. Sydde desse delane saman i sidene, fann fram ribb i turkis, og skar til ein passe lengde til ribb i livet. Tada!!!! så fekk eg meg eit nytt skjørt til nyttår:) Moro å sy saman skjørt på denne måten. Det blir sikkert fleire slike.

"STJERNEDRYSS-KJOLE", str M/L

Denne kjolen sydde eg tidlegare i haust men den er ikkje blitt blogga om før:)
Kjolen er sydd av turkis og grå stretch chenille (bryst- og ryggstykka) Ermene er sydd av eit lysgrått jerseystoff med stjerner på, frå S&S. Kanta med svart ribb rundt ermekantar og halskant.
Skjørtedelen er sydd av eit svart og grått bomulls-stoff, kjøpt på JYSK.
Kjolen har fått ei stor flott stjerne midt på brystet, isame stoff som ermene.
Så med denne kjolen på blir du "stjerne" med ein gong:))

Kjolen blei i str M/L (ca 40-42)
Mønster: eiget

Pris: 725,- + evt. porto

SOLGT!!

Festkjole à la "Tre nøtter til Askepott"

Tenkte eg skulle sy meg ein ny kjole til jul.  Så no når julemessa var over for i år, så kunne eg tenka litt på ein kjole til meg sjølv igjen:)  Eg fann fram litt satengstoff, som eg kjøpte på Fretex for eit par veker sidan.  Rød er jo julekjolefarge nummer 1, så eg fann noko raudt og noko beige stoff som til saman skulle bli kjole.  Kjolen er sydd av raud kinasateng og ei beige satenggardin med gulltrådar applikert på stoffet. Kjempefint stoff:) Kjøpt på Fretex.
Etter kvart som kjolen blei sydd i saman, så fekk eg litt assosiasjonar til filmen som går på julafta "Tre nøtter til Askepott". Stesøstrene til Askepott skulle få sydd seg kjolar, og den eine kjolen minna litt om denne syns eg. I tillegg tykte eg den blei litt vel mykje beige, så eg trur ikkje eg endar opp med denne kjolen sjølv likevel:) Den blei dessutan litt trang over bysten til meg.Så no har eg lagt kjolen ut for sal i nettbutikken min, så kanskje nokon andre  kan ha den til julekjole i staden??

Str. L (42) Må ikkje vera for stor rundt bysten (max 104 cm)
Pris: 690,- + evt porto
SOLGT!!

Førjulsmoro i Sogndal kulturhus

På lørdag som var, var eg med på julemesse i kulturhuset i Sogndal. Mykje folk og god stemning. Eg hadde sydd opp ein del til denne dagen og fekk solgt litt av kvart. Hadde med meg kjolar, skjørt, vesker, huer, halsar, vottar m.m

Her ser de litt bilete frå standen min:)
 Eg var fornøgd med salet:)

2 nye kjolar som skal få vera med på julemesse:)

 Jobbar no litt på "høg-gir" for å få ferdig produkt til julemessa eg skal vera med på i Kulturhuset i Sogndal, lørdag 3.desember.   Her er 2 nye kjolar som blei ferdige i dag. Den brune kjolen er ein redesignkjole str. M/L(40/42)  og den andre er str. L (42)
Desse kjolane blir ikkje lagt ut for sal i eplabutikken min enno. Må ha nokre overraskingar til messa:)
Har planar om å få sydd eit par barnekjolar i fleece, som eg òg vil ha med på messa. Me får sjå om tida fram til 3. desember strekkjer til:) Skal vekk dei to påfylgjande helgene så då blir det ikkje sying, så dei to siste fri- onsdagane mine før 3. desember,  må nyttast godt:)

Pris: 790,- + porto

SOLGT!!

SOLGT!!

70-tals inspirert kjole

I går var eg i ein bursdagsfest, der jubilantane var født på 70-talet. Antrekket denne kvelden skulle vera 70 talsinspirert. Eg fann då ut at eg ville sy meg ein kjole med stoff frå 70-talet. Kjøpte eit brunt "crimpelin"stoff med flotte gullblomster, på Fretex tidlegare i haust. Brunt og oransje var "hotte" kombinasjonar på 70 talet. Så eg mixa litt stoff og fargar og resultatet blei denne kjolen. Kom på etterpå at eg kunne jo ha laga kjolen fotsid og endå meir utsvinga, då eg hadde hatt rikeleg av det brune stoffet. Men no blei kjolen i knelengde. Eg tykte kjolen blei ok, så kanskje eg kjem til å bruka kjolen seinare òg. Eller at eg legg den ut for sal. Time will show!
Fann flotte platåsko på Fretex òg, men dei er nok frå 90 talet, men funka fint til kjolen. Mange flotte 70- talsantrekk på festen.

Denne kjolen er no solgt til redusert pris, då eg har brukt den ein  gong:)
Str: 42/44
Pris: 590,- + porto

Bestillingskjole i rosa og grått

I dag har eg sydd ferdig ein kjole eg fekk bestilling på for nokre veker sidan. Fargeønske var rosa og grått og hovudstoffet skulle vera i velourstoff. Likar best slike "opne" bestillingar, der eg får bruka min kreativitet og skapa ein kjole slik eg vil ha den:) Alle tre stoffa eg har brukt, er frå S&S.Applikerte på 3 hjarte på kjolen.

Her ser du resultatet:) Ho som skulle ha kjolen blei fornøgd og då er eg fornøgd òg.

JADEGRØN VELOURKJOLE

Denne kjolen har eg sydd til meg sjølv. Har ikkje sydd kjole til meg sjølv i dette sjølvlaga mønsteret enno:) så eg fann ut at desse stoffa kunne kombinerast til ein fin kjole til meg sjølv:) Kjolen er sydd av eit restestoff av jadegrøn stretch velour, frå S&S.+ eit mønstra viskosestoff òg frå S&S. Halskant er sydd av eit svart syntetisk stretchstoff og kanten nede er sydd av eit syntetisk beige ribbstoff, alt frå S&S.

Kjolen blei i str  ca 42/44 og blei heilt perfekt til meg:) Midtstykket har fått eit svart fòrstoff (same som halskanten) avdi viskosestoffet var så gjennomsiktig utan:)

FARGERIKT HAUSTSKJØRT

 

Dette blei eit nyyydeleg og fargerikt skjørt, syns eg. Skjørtet er sydd av eit vintage sengetøy i flott fargar. Litt tynt stoff, så eg har sydd i eit underskjørt i oransje sportstretch, frå S&S.  Raud ribb i livet, frå S&S.

Str. L (42/44)

Pris: 390,- + evt. porto

Skjørtet ligg til sals i nettbutikken min:
http://randidesign.epla.no/

Redesign dongeriskjørt

Dette er eit redesignskjørt, sydd saman av stoff frå 2 ulike bukser. Ei ny Jack Pot dongeribukse (kjøpt på salg med tanke på redesign) + ei lilla bukse, som eg aldri har likt passformen på. Tok fram det 6 delte skjørtemønsteret mitt, og klipte i veg. Brukte baksida av buksa til å klippe til sidestykkene på framsida av skjørtet, då fekk eg lommer framme:)
Stoff frå ein ny syrinfarga jerseytopp, blei ribb i livet på skjørtet.

Fann ut at det blei fint med ei glinsande lilla stjerne som applikasjon på framsida av skjørtet. Sydde ein stor lilla knapp i midten på stjerna.

Str. L (42)

Pris: 525,- + evt. porto

SOLGT!!

Skjørt i "lange" baner.....

I dag har det vore ein ruskedag ute, ungane har vore med vener og mor har sydd litt.... igjen:)
Så då blei det å sy ferdig 4 nye skjørt. Her ser du eit av dei.
Det er sydd av eit slags hekla/blondestoff frå S&S. Måtte sjølvsagt ha eit fòr inni, så då har eg brukt svart sportsstretchstoff frå S&S. Laga dette skjørtet litt lengre, slik at fòrstoffet kjem litt nedom blondestoffet. Blei ganske fint syns eg:)
Lengde: 61 cm
Str. XL (44/46)
Pris: 425,- + evt. porto

SOLGT!!

KOSEKJOLE med alvehette

Dette er ein av dei 2 kjolane eg rakk å sy idag, på fridagen min:)
Dette blei ein ordentleg kosekjole, nesten litt "julete", syns eg. Eg har brukt "raglan"-kjolemønsteret mitt og sydd på ei lang alvehette.
Kjolen er sydd av off-white polarfleece, frå S&S og raud og rosa "fuskepels", òg frå S&S.

Har sydd på eit rosa duskeband nederst på kjolekanten.

Kjolen er i str M (40/42), men det er god stretch i fleecen, så vil du ha ein litt strammare kjole så passa den kanskje ein rein 42 str. òg:)

Pris: 790,- + evt. porto

Kjolen ligg til sals i nettbutikken min:
http://randidesign.blogspot.com/

Bestillingskjole som dessverre blei litt for liten:)

Denne kjolen var eigentleg tenkt til ei dame som hadde bestillt kjole av meg. Dessverre blei kjolen akkurat litt for trang for ho som skulle ha den, og då er det jo lite å gjera med det. Men  ho fann ein annan kjole eg hadde sydd i staden, og blei vel fornøgd, så då blei me fornøgde begge to:)

Kjolen er sydd av coboltblå stretch velour og eit mønstra viskosejerseystoff. Begge stoffa er frå S&S.

Mønsteret er mitt eige, og det er eg etterkvart blitt fornøgd med. Eg må justera mønsteret ut og inn alt etter kva str eg skal sy.

Og denne gongen sydde eg altså litt for mykje inn:)
Str. er S, og eg vil seia at den passar ei dame som brukar str 36, kanskje 38? Den er 74cm rundt midjen.
Litt stretch i stoffa!
Pris: 790,- + evt porto
SOLGT!!

TO KLOKE UGLER

Har sydd ferdig eit skjørt i kveld. Kjøpte dette stripete stoffet på loppemarknad for nokre veker sidan (mange mange meter:) Fann ut at eg ville prøva å laga eit skjørt av  dette  syntetiske stoffet. Men det blei jo eit kjedeleg skjørt utan applikasjonar. Så i kveld fann eg fram uglestoffet mitt frå JYSK, og klipte ut 2 søte ugler:)  Eg plasserte dei på framsida av skjørtet.  Det førte til at det blei eit meir komplett skjørt i min sjanger:) Litt humor må det vera!!

Rosa ribb, frå Jofotex, i livet.

Lengde: 50 cm

Str. L (42)

Pris: 390,- + evt porto

SOLGT!!

Ny kjole med hette

Her har eg sydd nok ein hettekjole. Er ikkje heilt fornøgd med hetta endå, så no har eg laga eit nytt utkast til hette til neste kjole eg skal sy.

Har fòra hetta med eit nydeleg gjenbruksstoff, som tidlegare har hatt eit liv som dynetrekk. Kjolen er fargerik og friskar opp på  ein grå og trist haustdag:)

3/4 lange ermer med oransje ribb.
Str. L (42/44)
Lengde: 95cm

Pris: 850,- + evt porto
SOLGT!!

Fleecekjole m/hette

Her har eg sydd ein fleecekjole i svart og turkis polarfleece. Mønsteret er mitt eige, og denne gongen har eg sydd på alvehette.

Måtte ha på litt pynt på kjolen, så eg har applikert på eit stort turkist hjarte på brystet med ei lang kroklisse som er sydd i bølger heilt ned til skjørtekanten på framsida.

Str. M/L (god stretch)

Pris: 850,- + evt. porto

SOLGT!!

Grå velourkjole med alvehette

Denne kjolen sydde eg i helga. Den er sydd av gråmelert stretch chenille frå S&S, og flott fargerikt bomullsjerseystoff, frå MG-tyger.
Kjolen har fått alvehette som er fòra med same stoff som bryststykket. Ermekant og nedre skjørtekant er òg det same stoffet.

I dag har eg vore med på Design-kunst og handverksdag på Hafslo, og då blei denne kjolen solgt til ei veldig fornøgd dame:)

Str. M/L
Pris: 850,-

SOLGT!!

Design- kunst- og handverksdag på Hafslo 05.10.2011

Ta turen til Luster vidaregåande skule på onsdag 5. oktober. Opent frå kl. 16.00-19.00
Der skal bl. a eg vera med  å  visa fram produkta mine og forhåpentlegvis få solgt litt kjolar m.m  :)
Sjå denne linken http://www.luster.vgs.no/cms/luster/cms.nsf/($All)/639BCE6CEE4DA908C125790C003FADCC?OpenDocument

To nye kjolar er komt i nettbutikken min:)

I dag har eg sydd litt forskjellig (onsdag=sydag), men her er to kjolar som eg har sydd ferdig i dag og lagt ut for sal:)

 Str. L (42)

Pris: 690,- + evt porto

SOLGT!!

Str. M (38/40)  SOLGT!!

Pris: 725,- + evt porto