Translate

søndag 29. mai 2011

Sommardraum:)

Måtte ta fram ein kjole eg sydde i fjor, for å koma litt i sommarstemning. Kor er sola og sommarvarmen??
Denne kjolen er i str 42/44 og er sydd av mjuk og god  stretch chenille (velour) frå Stoff og Stil. Ermene er sydd av bomullsstoff med tekst.
Pris: 550,-
SOLGT!!

tirsdag 24. mai 2011

"HÅPET ER LYSEGRØNT"

Dette er ein redesignkjole igjen:)
utgangspunkt: ei korterma dongeriskjørte, kjøpt på bruktbutikken, to vintagestoff -kjøpt på Fretex, skråband,kroklisse, blonde.
Eg klipte først vekk ermene og kragen på dongeriskjorta, og klipte vekk underdelen på skjorta, slik at eg hadde igjen ca 3 cm under erme.
Deretter sydde eg på skråband rundt ermeopning og halskant. Sydde deretter på midtstykket, som går frå ca midt på bysten og til litt under bysten (fin innsving i livet) Klipte så til og sydde skjørtedelen av grønt bomullsstoff. Sydde så saman alle delene. Sydde på lyseblå kroklisse nede på skjørtekanten. Kjolen har òg fått ei rosa blonde øverst på skjørtedelen.
Str. S
Pris: 675,- + evt. porto
Denne kjolen blir nok fin å bruka som den er på ein varm sommardag, men bli nok  òg fin med ein korterma eller langerma topp inni.
Ligg til sals i eplabutikken min:
http://randidesign.epla.no/

mandag 23. mai 2011

Redesignkjole= festkjole

Me var invitert i dåp til vesle Daniel i går, og sjølvsagt "måtte" eg ha ny kjole til den anledningen. Det blei ein redesignkjole, med blonder og "polkadots" . Utgangspunktet for denne kjolen var eit grønt krimpelinstoff med mørkeblåe prikkar (kjøpt på Epla.), ein polyestertopp med 3/4-lange ermer. Eg klipte vekk ermene på toppen, og sydde blondeermer på i staden. Kanta ermene med same stoff som skjørtedelen, for å få heilheit i kjolen. Skjørtedelen er fòra med polyesterjersey og kanta med blondestoffet som er på ermene. Blonden går litt nedom kanten. Kjolen har fått eit stjerne applikert framme på skjørtedelen. Midtdelen er lilla ribb frå Mg-tyger.

lørdag 21. mai 2011

"Raindrops keep falling on my head"

Her er nok eit resultat av stoffskattane eg fann på Fretex forrige helg:)

Utgangspunkt: ei ny dongeriskjorte frå Cubus (kjøpt på salg med tanke på redesign), rosa syntetisk ribb-stoff frå S&S, polyseterliknande stoff frå 70 talet? kjøpt på Fretex, grått og sølvfarga strikke-stoff frå S&S. Underskjørt av ferskenfarga polyestejersey frå S&S.
Klipte vekk ermene + litt meir på dongeriskjorta, klipte til  rosa stoff til brystpartiet, og klipte til skjørtedelen. Klipte nye ermer. Sydde først i ermene, sydde så sidesømmer, slik at eg fekk ein overdel, sydde så fast den rosa midtdelen før eg sydde fast skjørtedelen og  underskjørtet, og sydde så saman skjørt og overdel. Brukte skjørtestoffet som ermekantavslutning for å få litt heilheit i kjolen.

Herleg mønster på skjørtedelen, har heldigvis eit par meter igjen av dette stoffet, så det kan bli fleire kjolar/skjørt i dette stoffet i kombinasjon med noko anna.
Str. L

SOLGT!!

fredag 20. mai 2011

Redesignkjole av vintageskjørt og dongeri

Denne kjolen er sydd av  ein avklipt dongeridress (som eg fekk av ein kollega), eit velourstoff med stjerner, eit nyydeleg lilla  maxiskjørt frå 70-talet, og eit sweatshirt-stoff, kjøpt på fretex (til hetta)
Klipte til overdelen først og sydde så på midtstykket. Klipte til skjørtedelen, og laga alvehette og sydde på tilslutt. Denne kjolen vil eg ha sjølv. Den kan nok bli fin med ein topp eller ei t-skjorte inni, men kan på varme dagar fint brukast utan noko inni òg.
Som sagt før: REDESIGN ER RÅ-KULT!!!               SOLGT!!

nye sommarskjørt




































Eg har  fornya sommargarderoben litt med nokre nye skjørt. Desse skjørta er så kjekke og greie å sy. Skjørta er sydd doble, og har ein kant påsydd nederst. Skjørta har ulik framside og bakside, for at dei skal vera litt meir spesielle:) Framsidene på dei to skjørta her er vintagestoff. Baksidene er stoff som eg har kjøpt i min lokale stoffbutikk i Sogndal.

onsdag 18. mai 2011

"Fish makes bubbles"-skjørt

Hadde litt stoff igjen etter at eg sydde kjolen som eg blogga om i går. Det har no blitt til eit herleg skjørt. Skjørtet er sydd bobbelt, med eit tynt gult bomullsstoff som fòr. Skjørtet er i  ca str M/L  (litt trangt til meg) og heng nok finast på når det sit litt høgt på livet.

Pris: 475,- + evt porto
SOLGT!!

Leiken redesignkjole

Denne kjolen hadde eg tenkt at eg skulle ha sjølv, men dessverre blei den litt i minste laget til meg som er ein str L/XL. Kjolen passar meir til ein M-storleik.
Dette er ein kjole sydd av noko av det er fann på fretex i helga. 
Har laga ein ny vri på skjørtekanten, slik at kjolen blir litt lengre på sidene enn på midten ( med andre ord klipt i boge)
Vil tru at denne kjolen blir lagt merke til, då det er ein ordentleg gla'kjole:)
Str: M
Pris: 590,- + evt porto

SOLGT!!

mandag 16. mai 2011

Fretexbutikk=stofflykke

Var på tur til Bergen i helga, og var innom Fretexbutikken både på Voss og i Bergen.  Det er like spanande kvar gong om ein finn nokre "skattar". Denne gongen  fann eg mange herlege stoff både av nyare og eldre dato:) Og både bomullsstoff og syntetiske "krimpelinstoff". Eg er alltid fornøgd når eg handlar på Fretex, for då veit eg at eg har bidrege til ei god sak.
Her ser du "stoff-skattane" eg fekk tak i denne gongen:) Eg fekk jammen mange meter stoff med meg heimatt:) Jipppiiii!!

Kan du tenkja deg eit meir sommarsleg skjørt enn dette???

Har kome fram til ein ny skjørtmodell. Skjørta er sydd doble, for at det skal få eit fint fall. Med andre ord eit bomullsstoff inni, som er klipt  like stort som ytterskjørtet, saumar i sidene. kant nede med eit anna stoff, og ribb i livet. Veldig behageleg skjørt å ha på, det strammar ikkje:)
Her har eg sydd eit skjørt av eit vintagestoff med nydelege prestekragar og andre sommarblomar på. Baksida er eit gardinstoff frå 80 -talet.
Str S/M
Pris: 475,- + evt porto
Ligg til sals i eplabutikken min:
http://randidesign.epla.no/

Jordbærskjørt til sommaren??

I dag har det vore ein travel dag, sjølv om eg har hatt fri frå jobb. Starta dagen kl. 7.30 med å laga 1 sjokoladekake og stryka 3 bunadskjorter. Reiste deretter på gartneriet og kjøpte plantejord og blomar til verandakassane. Då eg kom heimatt, planta eg ut blomane og baka ei kake til:) Så var det tid for luftetur med hunden og såååååå måtte eg berre sy litt, og då blei det jordbærskjørtet, som eg klipte til i går:)  Her ser du skjørtet. Det berre ventar på å få koma ut:)))
Str. S/M
Pris: 475,- + evt porto
SOLGT!!

tirsdag 10. mai 2011

Blomsterskjørt i beige:)

Då blei det eit sommarskjørt  igjen, i beige. Dette er eit av stoffa eg fekk frå skulen (truleg eit gardinstoff i litt kraftig kvalitet) Artige kvite blomar som er sydd fast i stoffet. Eg sydde raud ribb i livet og applikerte på 3 rosa blomar framme og 1 bak på skjørtet. Sydde raud kontrastsaum nede på skjørtekanten.

Str. 42/44
Pris: 400,- + porto

SOLGT!!

Sommarskjørt til bursdagsjente:)

Guten min skulle i bursdag til ei venninne i barnehagen i går (på ein måndag), og eg hadde gløymt å ordna med gåve. Eg fann ut at då fekk eg sy noko, og det blei fort bestemt at eg ville sy eit sommarskjørt. Fann fram det nydelege gule blomestoffet eg berre har litt igjen av no:( og sydde skjørt i str ca 6år.  Sydde raud ribb i livet, og ein raud kant med kvite blomar nederst på skjørtet. Applikerte på to raude blomar midt på skjørtet framme, og sydde på 2 grøne kroklisser til stilkar.
Syns skjørtet blei søtt, eg:)

onsdag 4. mai 2011

Litt barnsleg sommarskjørt:)

I går kveld fann eg fram nok eit stoff som eg har fått gratis:) Ein liten stoffrest som akkurat passa til å laga sommarskjørt i 2 deler, av. Sydde raud ribb i livet og vips blei det eit skjørt i str M.

Str. M
Pris: 420 + evt porto

SOLGT!!

Sommarkjole med blomar og marihøner:)

Måtte berre prøva å sy ein kjole til i det nye mønsteret. Må endå justera litt før eg blir heilt fornøgd med mønsteret. Innsnitta blei ikkje heilt riktige, sjølv om eg prøvde undervegs i syprosessen. Denne gongen brukte eg fast bomullsstoff på bærestykket òg, det gjekk greitt. Men eg måtte laga 2 innsnitt i halspartiet, elles blei halsen så vid.  Så som sagt modellen er under utprøving:) Men det er moro å prøva seg fram med å laga nye kjolemønster. Det gule blomestoffet er eit herleg retrostoff frå 70 talet, kjøpt på Epla.no  Har sydd eit skjørt i same stoffet før. Det oransje stoffet med gull marihøner, er kjøpt på salg i min lokale stoffbutikk i Sogndal:)Ermene har fått løpegang og strikk i endane. Kjolen er kanta  med oransje og raud stretch chenille med stjerner,  frå Stof2000
Str L
Denne kjolen skal eg behalda sjølv, blir flott vår og sommarkjole:)