Translate

søndag 22. september 2013

NYE KJOLAR ER LAGT UT I EPLA-BUTIKKEN MIN I DAG!


I dag har eg lagt ut 3 nye kjolar i epla butikken min. Alle tre kjolane er i str L (42/44)
Her ser du bilete av kjolane:)



SOLGT!!




SOLGT!!

ROSA KJOLE MED STOR BLOMST




Denne kjolen sydde eg ferdig i går. Syns den blei veldig fin i fargane.
Den er sydd av mørkerosa stretch cordfløyel, frå S&S. Bryststykket er mønstra stretch chenille, òg frå S&S. Ermene er sydd av svart blondestoff, frå S&S.













Ermekantar og halskant er kanta med rosa courtelle, frå S&S. På ryggen er det applikert på ein sommarfugl med turkise kroklisser som følehorn. Nede på høgre framside er det applikert på ein stor blomst med ein blank knapp i midten.

Skjørtekanten har fått svart tyll sydd på i folder.
3/4 lange ermer.

Str. L (42/44)

Gler meg til å bruka denne:)

søndag 15. september 2013

FLEECEGENSAR MED GITARMOTIV


Denne gensaren sydde eg til minstemann i huset. han er veldig glad i song og musikk, så når eg fann dette fleece-stoffet med bassgitarar på, så tenkte eg at det måtte vera midt i blinken til han.
Minstemann har vore på leir i helga og då har mor sydd litt:) Han var godt nøgd med gensaren då han kom att, og den passa heilt perfekt:)

Mønster: frå S&S
Str. ca 8 år+

KVARDAGSKJOLE i GRÅTT OG LILLA

Denne kjolen har eg sydd til meg sjølv. Litt kjedeleg med grått, men har prøvd å "sprita" den opp litt med det lilla stoffet:)
Har dessutan laga runde lommer i sidene på denne kjolen. Det har eg gjort på i allefall ein kjole før, men lenge sidan no. Syns det gjer seg med desse runde lommene.














Mønsteret er frå S&S, men med større halsutringning, lengre ermer+ lommer (som ikkje er i det opprinnelege mønsteret)

Str 42/44

NY KÅPE i ULLSTOFF



Førre veke fekk eg pakke i posten med eit flott marineblått og rosa ullstoff, kjøpt på Finn.no.
Bestemte meg fort for at det måtte i allefall bli ei kåpe av dette stoffet. I går fann eg fram ein rosa ullfiltrest, som eg hadde på loftet og starta å klippa ut deler til kåpe.












Mønstertet er frå S&S, men eg har gjort litt endringar i fht mønsteret.
Eg har laga mindre opning i halsen, og eg har satt i glidelås i stadenfor knappar. I tillegg har eg laga anna krage enn det som står i mønsteret.

Då stoffet hadde fint mønster både på framsida og baksida, så miksa eg desse mønstra litt, for å få litt meir mønstervariasjon. 









Vart godt fornøgd med resultatet, så no har eg fått meg ny kåpe, som er fin å bruka før det blir ordentleg kaldt og vinter:)  Har framleis igjen meir stoff, så det kan bli fleire produkt. Kanskje ein ullkjole eller eit skjørt? Me får sjå.

Str. ca 42/44

TO NYE BESTILLINGSKJOLER






























Eg fekk for eit par veker sidan bestilling frå ei dame som ville ha ein ny kjole til ei 50 årsfering. Eg fekk bestemma fritt korleis kjolen skulle vera og slike bestillingar likar eg godt. Då får eg bruka min kreativitet og skaparglede:)
Sidan denne dama er glad i farger så fann eg ut at eg ville laga to ulike kjolar, så kunne ho få velja kva kjole ho ville ha til slutt. Då kjolane var ferdige og eg sendte bilete av begge to, så viste det seg at dama ville ha begge kjolane:))

Håpar ho får mykje glede av begge kjolane:)







KJOLE I JADEGRØNT



Denne kjolen har eg sydd i helga. Den er sydd av ulike stoff. Bryststykket og ryggstykket er sydd av jadegrøn courtelle, frå S&S. Ermene er sydd av gjenbruksmateriale frå ein  ny ubrukt mønstra kjole, kjøpt på salg.
Skjørtedelen er sydd av eit grønmelert syntetisk stoff, frå S&S.




Halskanten har fått ein krage med splitt i sida, som  skal brettast ned som du ser på bileta.
















På bryststykket er det applikert på eit hjarte. Det  er òg applikert på eit lite hjarte på baksida av kjolen.


Str. L (ca 42)
Pris: 899,- + porto

Mønster: mitt eige
SOLGT!

søndag 8. september 2013

KJOLE I GRØN/BLÅE TONAR



Denne kjolen blei ferdig på fredag. Bryststykket er jadegrøn stretch chenille frå S&S. Ryggstykket er sydd av limegrøn jersey med blåe prikkar, frå Jofotex.
Ermene er sydd av eit knallblått syntetisk stoff, frå S&S. Jadegrøn blonde på nedre del av ermene, er òg frå S&S.
Skjørtedelen er eit flott turkis vintage crimpelinstoff med flotte blomar. UTRULEG FINE FARGAR, SYNS EG:)










Halskant er kanta med lilla ribb, frå S&S. Det er òg sydd på eit jadegrønt pompongband rundt halskanten.










Blir nok sydd litt kjolar med lange/ evt 3/4 lange ermer no framover hausten



Str 42/44
Pris: 850,-


Mønster: mitt eige

SOLGT!!


torsdag 5. september 2013

KNALLFARGA VELOURKJOLE MED LANGE ERMER



Dette herlege vintage velourstoffet i lilla med masse fargerike blomar, kom i posten til meg på måndag. I går, på fridagen min, måtte dette stoffet berre bli til ein ny kjole til meg. Det vart ikkje nok stoff til både bakstykket og framstykket, så eg måtte forlenga framstykket med eit anna stoff. Sidan eg hadde valgt at ermene skulle vera turkise, så fann eg ut at det kunne bli stilig med eit turkis felt nederst på framstykket. Nederste del av ermene har fått eit belegg av det blomstrete velourstoffet.

Gler meg til å ta denne kjolen i bruk:)










Mønster: S&S (men har gjort litt endringar, bl.a ved at ryggstykket er sydd i to delar i stadenfor heilt stykke.)

Syns det er greit med midtsaum på ryggstykket, for då er det rom for å laga litt innsving om ein ynskjer det. Eg har stor svai i ryggen så då likar eg at kjolen går litt inn i ryggen.

Str. ca 42/44

onsdag 4. september 2013

NYUTVIKLA veskemønster, med lang skulderreim






Førre onsdag var eg med på ein spanande dag på Luster vidaregåande skule.



Dei som går på Design og Handverkslinja skulle ha ein "redesign-dag", og eg blei spurd om å vera med:)
Eg laga då eit enkelt veskemønster, som skulle vera ein modell elevane kunne sjå etter, då dei skulle redesigna gamle klede til nye produkt.
Elevane hadde liten erfaring med symaskin og tekstilar frå før, så dei måtte ha ein del hjelp og rettleiing. Men det var ein veldig kjekk dag. Nokre av elevane sydde skjørt av gamle putetrekk og nokon sydde puter.

Veska er sydd av 4 deler (2 delar til framsida og 2 delar til fòr)










Den er vrangsydd, slik at saumane blir skjult. Opning i botn på fòret, som ein syr igjen til slutt.
Veska kan ha innerlommer og snor m/karabinkrok til nøkkelknippe. Dette må syast på før veska blir sydd saman.








Eg elskar vesker som ein kan ha på skrå over skuldra, slik at armane er "fri".

Eg har brukt vintage sengetøy og eit vintage forkle til å sy desse to veskene. Kjekt å skapa nye ting av gamle ting= R E D E S I G N:)

Kongeblå kjole av silke frå Singapore






Denne kjolen sydde eg i sommar. Det er ein bestillingskjole til ein kollega som hadde liggjande dette flotte blåe silkestoffet, som faren hadde kjøpt i Singapore for mange år sidan.

Eg har brukt eit mønster frå S&S, men har gjort nokre endringar i forhold til mønsteret.

Ikkje heilt enkelt å sy i dette stoffet, då det er så glatt og vrir seg lett, men det gjekk på eit vis:)

Håpar min kollega får mykje glede av kjolen:)