ELEFANTKJOLE

Jammen blei det ein kjole til meg i dag òg:)
Har lenge gått og tenkt på ein lilla stoffkombinasjon til det lilla bistretchstoffet, som er brukt i skjørtedelen på denne kjolen. Kom i dag på at eg kunne bruka dette brune elefantstoffet, frå S&S i lag med ein rest av eit lilla blondestoff. Eg fann fram igjen mønsteret eg brukte til  kjolen i jerseystoff og dongeri (som eg blogga om før i dag)












Eg lurte ei stund på kva eg skulle gjera i halsen, men fann fort ut at eg ville ta opp den bringebær-raude fargen som er på føtene til elefantane for å bryta litt med det lilla. Eg hadde liggjande eit syntetisk stretchstoff, som eg klipte halskant og ermekantar av.


Likar godt denne breie "lause" halskanten, som gjer inntrykk av at ein har på eit skjerf.









For å få kjolen endå meir morosam, applikerte eg på nokre elefantar på skjørtedelen. To som møter kvarandre på framsida og ein einsleg elefant på baksida, som kanskje blir vener med dei andre to ein vakker dag:)

Tenker dette kan bli ein fin og morsom adventskjole:)

I tillegg til kjolen har eg i dag gjort ferdig ein julepresang og sydd opp nokre fleire huer:)
Med andre ord ein produktiv dag!

GRÅ GLITRANDE KJOLE I ISOLI

Denne kjolen sydde eg førre veke, men har ikkje hatt tid til å laga blogginnlegg om den før no:)
Kjolen er sydd av grått isoli med glitrande pynt, frå S&S. Ermene er sydd av lilla og rosa mønstra stretch chenille, òg frå S&S. Nedre del av ermene har fått ein kant av det grå stoffet:)













Skjørtekanten er kanta med svart tyll, frå S&S.
Halskant er kanta med rosa courtelle, frå S&S. Kjolen er enkel i formen og veldig behageleg å ha på.

Mønsteret er eit litt modifisert kjolemønster, frå S&S.

Str L (ca 42/44)

Pris: 849,- + porto

Kjolen er lagt ut for sal i eplabutikken min:

http://randidesign.epla.no

KJOLE I JERSEY OG STRETCHDONGERI

Denne kjolen har eg sydd til meg sjølv.  Den er sydd av ulike stoff frå S&S. Over delen er sydd av to ulike jerseystoff, og skjørtedelen er sydd av mørkeblå stretchdenim. Mønsteret til denne kjolen laga eg  for ei stund sidan, men eg har berre brukt det ein gong før. Ermene er sydd i to deler, der den nederste delen er er smal og den øverste delen er litt vidare. Ser at eg kunne laga øvre delen av ermene litt vidare, så hadde det blitt meir "puffermer". Men det kan eg hugsa til neste kjole:)

Har pynta kjolen med to stjerner, på framsida av skjørtedelen. Kjekt å ta opp att stjernetemaet sidan det er mange små stjerner på jerseystoffet som er brukt på ermene og som halskant.

Må nok bli nokre fleire kjolar med dette kjolemønsteret etter jul. Har lenge brukt raglankjolemønsteret mitt, som eg er så glad i. Men greit å variera  litt:)

Men no nærmar det seg jul og juleførebuingar, så det blir nok ikkje tid til å sy så mange fleire kjolar no. Men etter jul er eg nok klar igjen for nye prosjekt:)
Skal vera med på to julemesser før jul, så no er det klargjering til det:)

FLEECE-HALSAR TIL STORE OG SMÅ:)

I dag har eg hatt fridagen min igjen, og eg har sydd ein del. Bl. a har eg i dag sydd mange halsar i fleece. Desse halsane er berre såååå gode på kalde dagar.








Har sydd opp ein del no, som skal vera med på julemesse i desember.

Eg har laga meg eit one-size mønster for vaksne og eit one-size mønster til barn .
Overlock-maskina er fin å ha til dette prosjektet.

NY GENSAR TIL MINSTEMANN:)

Fekk pakke med stoff frå S&S på måndag, bl.a dette jerseystoffet med dyreprint. Bestemte meg fort for at dette skulle bli til gensar til minstemann, som er glad i dyr:).









Eg har brukt eit gensarmønster med raglanermer, frå S&S (str 8 år) Minstemann blei kjempefornøgd med gensaren og hadde den på skulen i dag.
Brukte lilla ribb frå S&S til halskanten.  Restane frå dette stoffet er blitt til luer, som skal vera med på julemesse i desember:)

SYROMMET MITT:)

I dag har eg starta på nokre syprosjekt som skal bli julepresanger, så det kan eg ikkje skriva meir om no og heller ikkje leggja ut bilete av:)










Men eg har teke nokre bilete av syrommet mitt. Eg har i alle år sete på kjøkenet og sydd, men no har eg altså fått mitt eige syrom etter at me pussa opp kjellaren og slutta å leiga ut til studentar. No har me fått betre plass med andre ord:) Godt å ha heile huset for oss sjølv:)



Her er litt bilete frå rommet!
Må nok ha meg ein opprydding i stoffhyllene, men har prøvd å sortera litt etter type stoff, så eg har ein viss oversikt:)

Her skal eg kosa meg framover!!

Deileg å kunne ha symaskinene ståande framme, og sleppa å rydda for kvar gong!

KJOLE i ORANSJE/RAUDT OG KONGEBLÅTT:)

Denne kjolen er ein skikkeleg fargeklatt. Overdelen er sydd av oransje og raud viskosejersey, frå S&S. Skjørtedelen er sydd av eit litt kraftig bomullsliknade stoff med trykk av fargerike frukter og blad. Dette stoffet fann eg på bruktbutikken i bygda:) Har meir igjen som kan bli til skjørt eller ein kjole til:)




Halskant og ermekantar er kanta med coboltblå ribb, frå S&S.

På bryststykket er det applikert på eit raudt eple.











Dette er ein kjole som garantert vil skapa glede og setja farge på tilværelsen.

Str. 42

Pris: 849,- + porto

Mønster: mitt eige

Kjolen er lagt ut for sal i eplabutikken min:
http://randidesign.epla.no

"BLOMSTERBIL"-KJOLE

Denne kjolen er til å bli glad av og  gjer at ein kanskje lengtar litt attende til vår og sommar. men kjolen kan fint brukast på denne tida av året òg:)
Bryststykket er sydd av eit vinraudt viskosejerseystoff, frå S&S. Ryggstykket er sydd av oransje stretch chenille med kvite små stjerner, frå S&S. Ermene er sydd av eit korallraudt sportstretchstoff, frå S&S.
Skjørtedelen er sydd av eit fantastisk blomsterengmønstra syntetisk vintagestoff.









Halskanten har fått ein stor brei halskant av eit oransje og sølvgrått strikkeliknade stoff, frå S&S. Halskanten skal liggja laust og "tilfeldig", som eit skjerf. (ja, den er sydd fast altså!)












Ermekantane er kanta med same stoffet som er brukt i skjørtedelen.
På bryststykket er det applikert på ein søt liten bil med 2 svarte vintageknappar, som hjul:)

Denne kjolen kunne eg tenkt meg å behalda sjølv, men  har likevel valgt å leggja den ut for sal i eplabutikken min enn så lenge:) Men du skal ikkje sjå vekk ifrå at eg tek den vekk for å bruka den sjølv om ikkje så lenge:)

http://randidesign.epla.no






Str L (42/44)

Pris: 875,- + porto

Mønster: mitt eige

KJOLE I GRÅTT OG ROSA m/runde lommer

Har sydd litt den siste veka, men har ikkje fått tid til å blogga så mykje om det eg har sydd:)
Denne kjolen blei ferdig i går. Fann ut at eg må sy nokre kjolar i litt mindre storleikar òg. Så denne kjolen er i ca str 38.












Ermene og bryststykket er sydd av  mønstra viskosejersey, frå S&S. Ryggstykket er sydd av eit lysegrått jerseystoff med små mintgrøne stjerner, òg frå S&S.
Skjørtedelen er sydd av eit koksgrått syntetisk stoff m/litt stretch, frå S&S.

















På framstykket av skjørtedelen er det sydd to store runde lommer, der lommeposen som syner som ein boge, er sydd av eit rosa bomullsstoff med trykk av søte små jenterfigurar, som tittar ut av lommene:)
Eg har sydd lommene fast til sjølve framstykket, for at dei skal henga fint på plass.
Halskanten er kanta med eit sølvgrått syntetisk strikkeliknande ribbstoff, frå S&S. Ermekantane er kanta med grå ribb, frå S&S.

Pris: 849,- + porto
Str S (ca 38)

Mønster: mitt eige

Kjolen er lagt ut for sal i eplabutikken min:

http://randidesign.epla.no

Skjørt av flott oransje vintagestoff

Før helga fekk eg pakke med dette flotte oransje vintagestoffet med søte små kvite og rosa blomar,  i posten. Det stoffet "skreik" etter å bli til skjørt og kjolar etter å ha levd nokre tiår som dynetrekk:)
















Eg fann fram stoffsaksa, skjørtemønster, limegrøn ribb og litt rosa courtelle, til skjørtekanten. Inni er skjørtet fòra med eit mintgrønt og kvit rutete bomullsstoff.

Tadaa, så blei det til dette skjørtet i str 42/44

Pris: 425,- + porto

Mønster: mitt eige

Skjørtet er lagt ut for sal i eplabutikken min:
http://randidesign.epla.no

Lilla ullkjole til god kollega

Denne kjolen er sydd til ein god kollega, som ville ha ny kjole til jul. Kjolen er sydd av lilla ullfilt, frå S&S.
Kjolen er fin å bruka over ein langerma topp. Kjolen kan brukast med smal dongeribukse under eller med ein tights eller strømpebukse under.



På brystykket er det sydd på ein firkanta hjarte-applikasjon.
på baksida av kjolen er det sydd på eit svart fleecehjarte nede på høgre sida.
Her har eg klipt til 2 like store firkantar, ein i lilla ullfilt og ein i svart fleece. Så har eg klipt ut eit hjarta i den svarte firkanten. Så har eg sydd saman dei to firkantane og fått fram eit lilla hjarte:) Kunne sjølvsagt ha droppa den lilla firkanten, då kjolen er lilla, men men:)





No håpar eg kollegaen min vil lika kjolen og at ho får mykje glede av den:)

Mønster: mitt eige
Pris: 750,-